ലോകഭിന്നശേഷി വാരാചരണത്തിൻറെ ഭാഗമായി അനികയുടെ വീട്ടിൽ ചങ്ങാതിക്കൂട്ടം ( ഗൃഹസന്ദർശനം )
രണ്ട് വർഷക്കാലമായി വിദ്യാലയ മുറ്റത്തെത്താൻ കൊതിച്ച അമർജിത്തിന്റെ മുറ്റത്തേക്ക് വിദ്യാലയത്തിലുള്ളവരൊന്നടങ്കമെത്തിയപ്പോൾ നിരന്തോട് ഗ്രാമമാണ് നിർവൃതിയിലായത്. മഹാമാരിക്കാലത്തെ അടച്ചിരിപ്പിൽ തുടരുന്ന ഭിന്നശേഷി വിദ്യാർഥികളുടെ വീടുകളിലേക്കാണ് സമഗ്ര ശിക്ഷ പദ്ധതി സമ്മാന പൊതികളുമായി സ്നേഹ സൗഹ്യദ സന്ദർശനമൊരുക്കിയത്. രണ്ട് വർഷക്കാലത്തിനു ശേഷം വീട്ടിലെത്തിയവ രെത്തിച്ച സമ്മാനങ്ങളും കൂട്ടുകാരെയും അധ്യാപകരെയും മാറി മാറി നോക്കി കുശലം പറയാനും ഒന്നിച്ചിരിക്കാനുമാണ് ഭിന്നശേഷി വാരാചരണത്തോടനുബന്ധിച്ച് അമർജിത്തിനും കൊളച്ചേരിയിലെ കമ്പിൽ എ. എൽ .പി. സ്കൂൾ വിദ്യാർഥിനി അനികക്കും അവസരമൊത്തത്.ചെറുപഴശ്ശി എ.എൽ.പി.സ്കൂളിലെ നാലാം തരത്തിലെ വിദ്യാർഥികൾ, പ്രഥമാധ്യാപിക ഇ.വി. മിനി, അധ്യപിക ശ്രീമ, ക്ലസ്റ്റർ കോർഡിനേറ്റർ സി.കെ. രേഷ്മ, ഐശ്വര്യ , ഹരിദാസൻ എന്നിവരാണ് പരിപാടിക്ക് നേതൃത്വo നൽകിയത്. ചടങ്ങ് വീക്ഷിക്കുന്നതിനും സഹകരണം ഉറപ്പാക്കുന്നതിനുമായി മ യ്യിൽ പഞ്ചായത്തംഗം കെ. രൂപേഷ് ഒപ്പം ഉണ്ടായിരുന്നു. കൂട്ടുകാരും അധ്യാപികമാരും വ്യക്തിഗതമായും ഉപഹാരങ്ങൾ നൽകി യാത്ര പറയുമ്പോൾ അമർ ജിത്ത് കളിപ്പാട്ട കൂമ്പാരത്തിനിടയിൽ ആർത്തു തിമിർക്കലായിരുന്നു. തുടർന്ന് BR C പ്രതിനിധികൾ വിദ്യാലയത്തിലെത്തി കുട്ടികളുടെ മനോഗതി പരോക്ഷമായി വിലയിരുത്തി. തുടർന്നും ഇത്തരം പരിപാടികൾ വേണമെന്നും വിദ്യാലയത്തിലെ മറ്റ് രണ്ട് പേരുടെ വീടുകളിലും സന്ദർശനമൊരുക്കണമെന്ന അഭിപ്രായം എല്ലാവരിൽ നിന്നും ഉണ്ടായി. Attitude of Accepting the Diversity must begins at early years....
